മയ്യിത്ത് കഫന്‍ ചെയ്യുമ്പോള്‍ മയ്യിത്തിനെ തലപ്പാവും കുപ്പായവും ധരിപ്പിക്കുന്ന സമ്പ്രദായം ചില മുസ്ലിംകള്‍ക്കിടയില്‍ കാണാം. ഹനഫി മദ്ഹബ് പ്രചാരത്തിലുള്ള സ്ഥലങ്ങളിലാണ് ഇത് കൂടുതലായി കാണുവാന്‍ സാധിക്കുക. തനിച്ച അനാചാരമാണിത്. ആയിശ (റ) നിവേദനം : യമനില്‍ നിര്‍മ്മിക്കപ്പെട്ട വെളുത്ത വൃത്തിയുള്ള മൂന്നു പുതിയ വസ്ത്രങ്ങളിലാണ് പ്രവാചകന്‍ (സ)യെ കഫന്‍ ചെയ്തത്. അതില്‍ കുപ്പായമോ തലപ്പാവോ ഉണ്ടായിരുന്നില്ല. [ബുഖാരി, മുസ്ലിം].
കഫന്‍ പുടവയില്‍ മൈലാഞ്ചിയില വിതറുന്ന പതിവ് ചില സ്ഥലങ്ങളില്‍ കാണാം. ഇതും ബിദ്അതാണ്‌. യാതൊരു അടിസ്ഥാനവും ഇതിനില്ല. ഫിഖ്ഹിന്‍റെ കിതാബുകളില്‍ പോലും ഇത് സുന്നത്താണെന്ന് പറയുന്നില്ല. കഫന്‍ ചെയ്യുന്ന സന്ദര്‍ഭത്തില്‍ മൃതദേഹത്തിന്‍റെ കണ്ണ്, മൂക്ക്, ചെവി, വായ മുതലായ ദ്വാരങ്ങളിലും വിരലുകള്‍ക്കിടയിലും മറ്റും പരുത്തികൊണ്ട് അഭിഷേകം ചെയ്യുന്ന സമ്പ്രദായം അനാചാരമാണ്. നബി (സ)യോ സഹാബികളോ ഇപ്രകാരം ചെയ്തത് ഉദ്ധരിക്കപ്പെടുന്നില്ല.
Get Free Email Updates to your Inbox!
