ശഅബാന്‍ മാസം പകുതിയുടെ രാത്രിയില്‍ ചിലര്‍ ബറാഅത് നമസ്കാരം എന്ന പേരില്‍ ഒരു പ്രത്യേക നമസ്കാരം നിര്‍വഹിക്കുന്നത് കാണാം. തനിച്ച അനാചാരമാണിത്.
റഗാഇബ് നമസ്കാരവും ബറാഅത് നമസ്കാരവും ജമാഅതായോ ഒറ്റക്കോ നമസ്കരിക്കുവാന്‍ പാടുണ്ടോ എന്ന് ഇബ്നു ഹജറുല്‍ ഹൈതാമി (റ)യോട് ചോദിക്കപ്പെട്ടു. അപ്പോള്‍ അദ്ദേഹം പറഞ്ഞു : സ്വലാത്ത് റഗാഇബ് ശഅബാന്‍ പകുതിയുടെ രാത്രിയില്‍ നിര്‍വഹിക്കപ്പെടുന്ന ബറാഅത്ത് നമസ്കാരം പോലെയാണ്. അവ രണ്ടും ആക്ഷേപാര്‍ഹവും ചീത്തയുമായ അനാചാരങ്ങളാണ്. അവ രണ്ടിന്‍റെയും ഹദീസുകള്‍ നിര്‍മ്മിച്ചുണ്ടാക്കിയതാണ്. അതിനാല്‍ ഒറ്റക്കോ ജമാഅതായോ ഇവ നിര്‍വഹിക്കല്‍ വെറുക്കപ്പെട്ടതാണ്. [ഫതാവല്‍ കുബ്റ 1/217], [2/80]
ഇമാം നവവി (റ)യുടെ ഉസ്താദായ അബൂശാമ (റ) പറയുന്നു : ശഅബാന്‍ പകുതിയുടെ ശ്രേഷ്ടതയുടെ വിഷയത്തില്‍ ഒരു ഹദീസും സഹീഹായി വന്നിട്ടില്ല. ഈ രാത്രിയില്‍ നബി (സ) പ്രത്യേകമായി നമസ്കരിക്കുവാന്‍ നിര്‍ദേശിച്ചിട്ടുമില്ല. [അല്‍ബാഇസ് പേജ് 23]
ഇമാം ഇബ്നു കസീര്‍ (റ) എഴുതുന്നു : ഹിജ്റ 707ലെ ശഅബാന്‍ പകുതിയുടെ രാത്രിയില്‍ ബിദ്അതാണെന്ന കാരണത്താല്‍ ബറാഅത് നമസ്കാരം ദുര്‍ബലപ്പെടുത്തപ്പെട്ടു. ഈ ദുര്‍ബലപ്പെടുത്തല്‍ കാരണം ധാരാളം നന്മ ലഭിച്ചു. അല്ലാഹുവിനു സ്തുതി. [അല്‍ബിദായ വന്നിഹായ വാല്യം 14, പേജ് 60 വരി 4 മുതല്‍].
Get Free Email Updates to your Inbox!
